Hľadaný výraz: Mt 6,7-15; Mk 11,25; Lk 11,1-4, Preklad: Rómsky, Počet výsledkov: 3
| 7 Kana rhugin tume na bulguiin intaino ai butivar, sar keren le manush kai chi zhanen le Devles; Won gindin ke te rhuginape butivar iek fielo, keren te ashunel le o Del. 8 Na keren sar lende; ke tumaro Dat kai si ando rhaio zhanel so trobul tumen mai anglal sar te mangen lestar." 9 "Anda kodia rhugin tume kadia, 'Amaro Dat kai san ando rhaio, te avel cho anav ankerdo swunto. 10 Chi amperetsia te avel. Chi voia te kerdiol pe phuv sar ando rhaio. 11 De amen adies amaro manrho sar swako dies. 12 Iertisar amare bezexa, sar vi ame iertis kodolen kai keren bezexa karing amende. 13 Na mek ame te zhas ando zumaimos, numa skepisar ame katar o nasul iek. Ke tute si e amperetsia, e putiera, ai o barimos zhi pon godi.' 'Amen' 14 "Te iertina le manushenge dosha, vi tumaro Dat kai si ando rhaio iertila tumen: 15 Numa te na iertina le manushenge dosha, chi tumaro Dat chi iertil tumare dosha." |
| 25 "Ai kana beshen ande punrhende te rhugin, te si tu vari so pe kanikaske; iertin, antunchi cho Dat ando rhaio iertil che bezexa. |
| 1 Jesus rhugilaspe andek dies andek than, kana getosardia, iek anda leske disipluria phendia leske, "Devla, sichar amen te rhugisavas, sar o Iovano sichardia peske disiplon. 2 O Jesus phendia lenge, "Kana rhugin tume, mothon,'Amaro Dat, kai san ando rhaio, te avel cho anav ankerdo Swunto. Chi amperetsia te avel, chi voia te kerdiol pe phuv sar ando rhaio. 3 De amen adies amaro manrho sar swako dies. 4 Iertisar amare bezexa; sar vi ame iertis kodolen kai keren bezexa karing amende. Na mek ame te zhas ando zumaimos; numa skepisar ame katar o nasul iek.'" |
